DILI – (Desportu XYZ) Federasaun Boxing Amadora Timor leste (FBATL) sei realiza Asembleia jerál bá dala lima iha loron 13 fulan Janeiru tinan ne’e atu hili fali prezidenti foun Hodi subtitui prezidenti atual ne’ebé mak resigna’an ona iha fulan kotuk.
“Ita nia data bá realiza Asembleia jerál tinan ne’e sei hala’o iha loron sesta feira dia 13 de Janeiru tinan ne’e no tempu badak sei atribui konvite bá Asosiasaun 10 no Klube 23 ne’ebé mak sei Partesipa iha kongresu refere”tenik prezidenti asembleia jerál Domingos Maliteti bá jornalista sira iha konferensia inprensa ne’ebé mak hala’o iha Benfica segunda (09/01)
Nia haktuir,tuir lolos ne’e Asosiasaun sira de’it mak bele Partesipa iha asembleia jerál, maibé ita seidauk forma Asosiasaun sira iha Munisípiu balun,entaun estrutura ida agora ne’e mak sa’e bele normaliza fali Asosiasaun sira Munisípiu hotu atu nune’e kongresu tuir fali mai Asosiasaun sira de’it mak iha dereitu bá vota.
“ida ne’e la’ós kongresu estra ordenario,ida ne’e asembleia jerál tanba prezidenti sesante resigna’an ona entaun ita realiza fali asembleia jerál hodi hili fali prezidenti foun”
Nia dehan, kandidatu ne’ebé mak atu bá kompete iha asembleia jerál ne’e ha’u seidauk bele hatene ema nain hira,maibé iha asembleia jerál mak imi foin hatene seisei mak bá kandidatu.
” Ha’u hanoin bazeia bá ita nia regulamentu no estatu interna Federasaun rasik nian ami sei deskuti tanba durante semana ida nia laran ami perpara hela atu destribui bá Asosiasaun no klube sira hodi estuda atu nune’e mai iha asembleia jerál ne’e ita labele deskuti tan ona”nia afirma
Kona-ba orsamentu ne’ebé mak atu realiza asembleia jerál ida ne’e, Federasaun hetan apoiu husi Comite Olimpicu Nasionál Timor Leste (CONTL) hamutuk $ 2500 ,maibé ami nia proposta ne’ebé mak Federasaun submete bá iha Sekretáriu Estadu Juventude no Desportu SEJD la hetan aprovasaun.
Iha orsamentu ne’e ita sei aloka bá Asosiasaun sira nia transporte no akomadasaun bá asembleia jerál refere.
Iha fatin hanesan Atleta Delio Mouzinho hateten,ha’u husu bá Federasaun tenki serbisu hamutuk hodi tau matan bá Atelata sira tanba ita Partesipa iha eventu internasional ne’e perzisa Tulun no motivasaun husi Federasaun.
Delio nia esperansa bá kongresu ida ne’e bele hetan hetan estrutura ida di’ak hodi tau matan bá Federasaun Boxing ne’e la’o ba oin.
Entertantu, Asosiasaun 10 ne’e mai husi Munisípiu Lautém, Ermera,Aileu,Baucau, Viqueque, Manatutu, Manufahi, Ainaru, Bobonaro, RAEOA no Klube 23.
About Post Author
