DILI-(Desportu XYZ) Comfederasaun Desportu Timor Leste (CDTL), sei realiza simpozium nasional ne’ebé mak ho tema, desportu iha pasadu, prezente no futuru.
“Iha sesta feira agora CDTL sei realiza atividade ida hanaran simpojiu nasional Desportu 2022, tema Jeral husi simpojiu nasional Desportu mak Desportu Pasadu” dehan Zeferinu Viegas bá jornalista sira iha CDTL kuarta (16/11)
Nia haktuir, iha simpojiu nasional Desportu ne’e,orador prinsipal mai husi Eis Premeiru Ministru Mari Alkatiri, no membru paynel Nain ha’at sei hariku diskusaun ne’e.
Iha membru nain ha’at ne’e mak hanesan, Eis Sekretariu Estadu SEPAC, Ozorio Florindo, Eis Sekretariu Estadu Juventude no Desportu , Miguel Manetelu, Eis Prezidente CDTL, Afranio Xavier Amaral, no Eis Ministru Negosiu Estranjeiru, Aurelio Cristovao Guterres, sira mai ho asuntu ida idak nian.
Zeferinu sublina liu tan,CDTL sei rekomenda pontu importante sira liga ba simpojiu nasional bá Desportu refere
“Nune’e iha simpozium no panyel nia rohan ita sei hetan konkluzaun husi governu ne’ebé tutela ba desportu no hato mos ba partidu politiku sira ne’ebé sei kompete iha eleisaun parlamentar 2023 nian,atu nune’e sira forma governu tenke tau atensaun husi Asuntu hirak ne’e”, afirma nia
Nia informa, atividade ne’e CDTL ninian hanesan atividade penultima 2022 nian, tanba Dezembru sei iha asembleia anual.
“objetivu prinsipal hanesan hotu hotu hatene katak, durante desportu iha obstaklu barak liuliu liga ba prestasaun”
Vice prezidenti ne’e afirma, partisipante iha atividade simpojiu nasional Desportu mak hanesan, orador sira, membru paynel, Reprezenta governu liu husi Sekretariu Estadu Juventude no Desportu, , embaisador balun liga ba area desportu no mos federasaun desportu sira ne’ebé hamahan A’an iha CDTL.
About Post Author
 Comfederasaun Desportu Timor Leste (CDTL), sei realiza simpozium nasional ne'ebé mak ho tema, desportu iha pasadu, prezente no futuru. %){kind=link}