DILI- governu liu husi Sekretariu Estadu Juventude no Desportu (SEJD) konvida Confederasaun Desportu Timor Leste (CDTL) ho Comite Olimpicu Nasional Timor Leste (CONTL) atu diskuti preparasaun atleta husi Federasaun 8 ne’ebé sei partisipa Sea Games iha Hanoi Vietnam fulan Maio tinan ne’e.
“ohin enkontru husi parte governu liu husi SEJD,CDTL no CONTL hodi diskuti liu konaba ekipamentu ba jogu no ekipamentu defilede no oinsa atu prepara sasan sira ne’e para atu bele lori atleta sira ne’e seguru durante iha prosesu nia laran” afirma prezidenti CDTL Macario Sanches ba jornalista sira, hafoin remata enkontru iha salaun SEJD kinta (27/01)
Iha diskusaun ne’e mos koalia konaba bainhira los mak atleta sira deskloka husi Timor Leste ba iha Vietnam, tanbá ita hotu hatene katak problema uitoan daret flay dba iha Vietanam.
Nia dehan, ohin mos diskuti liu-liu atleta sira nia preparasaun hodi hare kualidade atu atleta sira ba iha Sea Games.
“ita iha federasaun 8 no total hamutuk atleta 22 iha individual no mos futebol iha jogador 22, maibé seidauk konta ho treinador no official”
Prezidenti CDTL haktuir, iha loron 4 fulan Fevereiru 2022, ita halo lansamentu official ba atleta sira nia preparasaun ba Sea Games nian i depois atleta sira sei konsentra iha ida-idak nia fatin lai.
Antes fulan ida atu desloka ba eventu refere, foin konsentra iha fatin kazerna ida hodi bele kontrola no halo advokasia hodi sensibliza dopin nian atu bele halo teste mediku liu-liu ba covid 19.
“konaba ba orsamentu hau hakarak fo hatene ba publiku no federasaun sira katak, ohin SEJD aprova ona pedidu husi CDTL nian ba orsamentu preparsaun hamutuk 81 mil, tanbá ne’e semana oin federasaun sira bele asesu ona hodi halo preparasaun”
Sorin seluk Vice prezidenti CONTL Mateus da Cruz informa, ohin enkontru ida ne’e kolia kona ba partisipa Timor Leste nian ba iha Sea Games, tanbá ne’e parte CONTL aprezenta konaba situasaun covid no oinsa mak viajen nian ne’e oinsa. tanbá ita presiza hetan autorizsaun aviaun nian atu mai lori delegasaun TL ba iha Vietnam.
Tanbá ne’e mak ami presiza karta official husi governu atu haruka ba ajensia balun ne’ebé atu prepara vou mai ba delegasaun TL, i delegasaun ne’e sei sai dala rua no futebol mak sei aranka uluk.
Nia haklaken, parte CONTL halo hela kontaktu ho Comite Olimpicu Internasional Vietnam atu hare oinsa ita bele sai ho futebol dala ida iha loron 4 fulan Maio 2022.
Entertantu diretora Alta Kompetisaun SEJD Maria Luzia Monteru afirma, resultadu enkontru ida ohin ne’e parte SEJD atu hare preparasaun saida mak CDTL halo ona i parte CONTL nian hodi hare asuntu ba Sea Games nian.
“konaba ba orsamentu ba preparasaun nian ba federasaun sira, hau hanoin oras ne’e to ona iha konta bancaria CDTL nian tuir kalendario ne’ebé CDTL prepara ona”
Governu liu husi SEJD iha ona esperansa ba partisipasaun TL nian iha Sea Games tinan ne’e bele hetan resultadu positivu ida ba ita nia governu no ita nia estadu ne’e rasik.
About Post Author
