Dili – Oitavu Governu, liu husi Sekretáriu Estadu Joventude no Desportu (SEJD), iha hanoin atu selu kompañia Marina Enterprise ne’ebé halo rehabilitasaun ba Stadium Munisípal (SM) Dili, ne’ebé nia kontratu remata ona, maibé obra seidauk finaliza.
Tuir Sekretáriu Estadu Joventude no Desportu Abraõ Saldanha hateten, presiza selu uluk kompañia ne’ebé antes ne’e halo obra refere, no restu sei halo retenderizasaun fila fali kompania foun hodi finaliza tiha serbisu hirak ne’ebé husik hela.
“Selu tia lai kompania Marine Interprais ne’ebé uluk halo ne’e, verifikasaun hotu ona, ADN ho Obras Públika verifika ona, no hetan aprovasaun ona husi CAFI, ho ninia montante orsamentu adisional ne’ebé mak atu selu”. Hateten Govenanate ne’e iha SEJD , Licidere-Tersa (15/12/2020).
Govenante ne’e relata tan, bainhira hotu ona sira sei komunika ba CNA atu hahu prosesu aprovisionamentu ba obra sira ne’ebé seidauk finaliza, nune’e bele hahú halo fali retenderizasaun iha ba kompañia seluk hodi hadi’a fila fali Stadium Munisípal Dili.
Relasiona ho montante osan, governante ne’e afirma, ne’e sei iha levantamentu ida, tanba obra ne’e abandona kleur ona, no balu aat fila fali ona.
Nune’e mós governante ne’e hatutan tan, Stadium Manatutu agora dadauk nia negosiasaun hotu ona, tan ne’e kommpania husu atu estende tan kontratu fulan sanulu resin ida nune’e bele finaliza obra refere.
“Hau ba haree sira kontinua halo hela serbisu, ne’ebé hau fiar katak sira bele finaliza serbisu sira ne’e tuir kontratu ne’ebé mak iha”. Dehan nia.
Enkuantu relasiona ho rehabilitasaun ba Genazio Dili, governante ne’e esklarese, daudaun ne’e atinji ona porsentu 93, tan ne’e tama ona prosesu atu selu kompania ne’ebé rehabilita obra refere.
“Prosesesu iha hela ADN, se sira iha rekomendasaun ona atu selu, ita hahu selu”. Nia hateten.
Tuir nia katak, kontratu ba kompania ne’ebé rehabilita Ginazio Dili nia kontratu remata iha tinan ne’e. (Vidal).
About Post Author
