Oras ba kongresu Liga futebol Amadora (LFA) nian edisaun dahuluk sura oras de’it, sei hala’o iha Timor Plaza Dili, Sabadu, 15 Agostu 2020.
Komisaun Organizadora Liga Futebal Amadora (LFA), preparadu realiza kongresu hodi hili presidente LFA foun. Tuir komisaun organizadora LFA Janio Tilaman hateten, komgresu LFA nian ne’e hanesan komgresu dahuluk hodi hare fila fali serbisu hirak ne’ebe presidente dahuluk halao ona iha tinan 2015 no remata iha 2019.
Enkuantu relasiona ho apresentasaun kandidatura sei mai husi klubu 23 ne’ebe mak sei hilisira nia ema ida hodi representante sai hanesan kandidatura iha komgresu nia laran.
“To’o oras ne’e klubu 23 mak simu ona formulariu, atu hili sira nia ema ida atu mai representante iha komgresu ne’e sai hanesan konkresista iha komgresu ne’e rasik, tuir prosedimentu sira ne’ebe iha” deklara Janio Tilman, ofisial Liga iha konfer4ensia imprensa ba media nasional foin lalais.
Nia afirma tan, to’o oras ne’e sira simu ona lista kandidatura nain lima inklui fundador ema nain haát.
Xefe organizadora ne’e esklarese tan, kandidatura ba presidente LFA ne’e bele mai husi liur, maibe depende ba fundador no presidente klubu sira mak apresenta sira nia kandidatura tuir sira nia konfiansa rasik.
Hosi observasaun direita desportu.xyz iha sede LFA hodi konfirma kandidatura sira, katak too oras ne’e seidauk iha pakote ruma ou figura ruma neebe hakarak aprezenta an hanesan kandidatura.
Antes ne’e Presidente Klubu Asalam FC Sujere Nilton Gusmão nafatin lidera Presidente liga Amadora.
Tuir president klubu FC Asalam Hipolio Soares hateten, nafatin fo konfiansa ba Nilton Gusmão tanba ho nia programa no planu sira seidauk halo hotu bele halo hotu, nune’e públiku bele sente nia rejultadu.
“Durante ami nia hare ninia lideransa ne’e, jeralmente bele kolia dehan diak, tanba iha entermus tekniku ne’e bele”. Hateten Presidente FC Asalam ne’e.
Tanba ne’e, nia mos nota, iha mos frakeza balun iha administrasaun finanseiru, maibe nafatin iha konfiansa.
“Tanba ne’e maka, ami nia hanoin ne’e ba oin tenki iha mudansa ba Adminitrativu Finansas ninian”. Nia rekomenda.
Enkuantu, nia haktuir tan, antes ne’e mos SEJD halo auditoria ba klubu sira, nune’e mos iha falhansu balu kona ba orsamentu durante ne’e klubu balun lakon ba manan, no manan ba lakon.
“Hau hanoin, atendementu buat ne’e tenki los, tanba ne’e orsamentu estadu”. Nia preokupa.
Enkuantu nia mos la simu ho premiu Lalenok FC nian to’o oras ne’e seidauk simu.
“Tan ne’e hau hakarak hare lolos pesoal ne’ebe serbisu iha Finansas ninian”. Nia rekomenda.
Presidente FC Asalam ne’e mos sita tan, ba oin komgresu importante hodi define dever no direitu klubu ninian. (Augusto).
About Post Author
