(Dili, Sexta, 28/08/2020) – Treinadór husi ekipa Kablaki rekoñese, maske manan ekipa Lika Lika, iha jogu prelemináriu iha grupu D nian, ba copa FFTL tinan ne’e, maibé jogadór iha mediu(klaran), sei dauk di’ak.
Tuir treinadór FC Kablaki JoãoFernandes hateten, maske iha jogu primeira parte nia ekipa mak fera uluk ekipa Lika Lika nia guarda rede,maibé nia ekipa iha mediu seidauk di’ak atu ejekuta bola, tan ne’e nia Jogadór husi parte liman lós no karuk mak fahe hela bola.
Tanba ne’e, nia dehan tan, maske sira hatama uluk golu, maibé nia Jogadór sira la ezekuta orientasaun ne’ebé nia fó tuir jogu iga kampu.
“Iha orientasaun jogu la hateten iha jogu badak, entaun ekipa Lika Lika aproveita failla iha komunikasaun ida ne’e, hodi hatama fali golu rua ne’ebé suta husi dook,” haktuir treinadór ne’e.
Treinadór ne’e mós rekoñese, maske golu rua ne’ebé sira simu, nune’e nia muda fali formatu jogu hodi hatun tan jogadór balun, nune’e konsege hatama golu.
“Mudansa ne’ebé hau halo, nain rua ne’ebé hatun ne’e konsege hatama golu”. Hateten nia.
Enkuantu, nia promete, ba oin kontinua prepara atu hasoru mós ekipa seluk iha sira nia grupu.
“Ami bola ne’e kabuar, se mak manan ka lakon ne’e ’90’ minutus mak termina”. Tenik nia. (Vidal).
About Post Author
