Dili-tuir planu premeru torneu Basketbol ne’ebé mak Mai Sport Zone Gym Timor Leste sei realiza eventu ne’e iha loron 2 fulan Jullu tinan ne’e.
Tuir gerente Mai Sport Zone Gym Anastasio da Costa konta, Ami hakarak loke eventu Basketbol ne’e ho inisiativa mai husi nain bá Gym nian tanba ema barak antisiasmu los mai kalan-kalan iha fatin Mai Sport Zone.
“Ami la’os mesak mak loke eventu ne’e,maibé ami serbisu hamutuk ho parte relavante hanesan Federasaun Nasionál Basketbol Timor Leste ne’ebé hala’o ona observasaun mai iha fatin ne’e no mós fahe regulamentu kona-ba bá jogu sira”tenik gerente Mai Sport Zone ba jornalista iha hudi laran segunda (20/06)
Nia aumenta,ami hala’o inkontru ho Federasaun dala tolu no desidi ona data fixu bá abertura eventu ne’e hahu iha loron 2 fulan Jullu no sei remata iha loron 27.
Mai Sport Zone sei loke resistu bá klube ne’ebé de’it mak hakarak partesipa iha eventu ne’e tanba ami nia hakarak ne’e Klube tenki barak.
Tanba ne’e husu bá klube sira bele mai halo ona resistu iha fatin Mai Sport Zone iha hudi laran hahú no Resistu sei taka iha loron 30 fulan Juñu.
“Kona-ba premeu ne’ebé ami sei destribui bá premeru lugar sei simu $ 1000,segundu lugar $ 750 ,terseru lugar 500 no kuartu lugar 200″dehan Anastaciu
Sei karik mak orsamentu ne’e mak la sufseinti ami sei halo proposta ida bá Sekretáriu Estadu Juventude no Desportu (SEJD) atu ajuda orsamentu oituan bá eventu refere.
Entertantu,mekanismu bá jogu baskebol ne’e nain tolu sei kontra nain tolu.
Enkuantu,patrosinador bá primeiru torneu Mai Sport Zone ne’e mak hanesan,Nicot,Fresca,Lim Brother,Golgota Hotel no Golgota Mall.
About Post Author
