DILI-Federasaun Karate-do Timor Leste (FEKATIL) halo ona preparasaun ba sira nia atleta na’in 5 kompostu husi mane 4 no feto 1 hodi ba partisipa iha eventu internasional Sea Games ne’ebé sei realiza iha loron 12 fulan Maio iha Vietnam tinan ne’e.
Sekretario Jeral FEKATIL Antonio Carlos de Arauju hatete, ami hetan ona informasaun husi Confederasaun Desportu Timor Leste (CDTL) kona ba partesipasaun FEKATIL nia ba Sea Games ne’ebé sei halao iha fulan Maio iha Vietnam.
“ami desidi tia ona atleta hamutuk na’in 5 feto ida mane nain 4,maibé atleta sira ne’e sei halo treinamentu tuir kalendario ne’ebé CDTL fo mai federasaun sira hotu” relata Antonio Carlos ba jornalista sira iha edeficio CDTL Caicoli kuarta (12/01)
Nia hatutan, iha tinan 2019 to’o mai 2021 ita hasoru hela situasaun covid 19 FEKATIL la konsege halo kampionatu nasional, maibé ami halo deit kampionatu nasional ba deit junior iha 2020.
“konaba atleta na’in 5 refere federasaun foti iha ultima kampionatu nasional iha 2019 no sira ne’ebé hetan prestasaun iha eventu inernasional. tanbá ne’e atleta na’in 5 ne’e federasaun submete ona ba CDTL”
Carlos akresenta, buat ida prestasaun ne’e la fasil hanesan ema hotu nia hanoin, tanbá prestasaun ne’e presiza investementu katak, ita nia preparasaun ba saida hanesan fasilidade, ekipamentus no nutrisaun,ho buat sira ne’e mak ita foin koalia prestasaun.
Maibé hanesan federasaun iha responsabilidade tomak atu tenta oinsa atleta ne’ebé ami manda ona ba CDTL no iha esperansa karik katak lakon mos lakon ho dignidade, karik hetan sorte bele lori medaila ida mai Timor.
Entertantu prezidenti Federasaun Atletismu Timor Leste Afrainu Xavier informa, iha tempu badak FEATL sei realiza kampionatu nasional iha loron 20 fulan Janeru 2020 hodi hare atleta sira nia kondisaun no kualidade diak atu halo preparasaun ba iha eventu internasional Sea Games tinan ne’e. Eis prezdenti CDTL ne’e afirma, kampionatu nasional sei involve mos husi munisipiu sira, tanbá atleta husi atletismu kuaze besik 10, maibé depende mos kouta ne’ebé mak Sekretario Estadu Juventude no Desportu (SEJD) no Comite Olimpico Nasional Timot Leste (CONTL) fo mai federasaun katak numeru atleta na’in hira mak bele partisipa.
About Post Author
 kona ba partesipasaun FEKATIL nia ba Sea Games ne’ebé sei halao iha fulan Maio iha Vietnam.){kind=link}