Dili-Comite Paralimpic Nasionál Timor Leste (CPNTL) halo lansamentu ofisiál bá atleta nasionál husi Federasaun 3 nia perparasaun atu partesipa eventu Sea Para Games ne’ebé sei iha solo Indonézia fulan Jullu tinan ne’e.
Federasaun tolu ne’ebé mak atu Partesipa iha eventu refere hanesan, Atletismu, Powerlifting no Tenis do Meza.
Sekretario Jeral CPNTL Jose Monteru hatete,lansamentu Ida ohin ne’e ami senti kontenti tanba ita nia governu liu husi Sekretáriu Estadu Juventude no Desportu (SEJD) nia reprezentante sempre hamutuk nafatin ho ami.
“Lansamentu ohin ne’e inportante tebes ba Federasaun tolu ho nia atleta hamutuk 14 ne’ebé selesionadu ona atu Partesipa iha eventu Sea Para Games Solo Indonézia iha fulan Jullu”tenik José ba Jornalista sira iha Genajio Dili sabadu (07/05)
Nia sublina,depois de lansamentu ne’e hotu atleta sira sei tama ba trening Center durante fulan rua hahú Maiu to Juñu,hafoin ita Desloka bá solu Indonézia iha fulan Jullu.
Tanba ne’e ho lansamentu iha ohin ne’e hanesan pasu Ida loke atu asegura katak CPNTL prontu ona atu partesipa iha eventu internasional Sea Para Games hamutuk ho nasaun sanulu resin Ida 11 inklui Timor Leste.
“Ohin Parte governu liu husi SEJD hato mensajen furak tebes para bá oin CPNTL perpara atleta barak liu tan no iha oportunidade bá ita atu hetan medalia iha tinan oin mai” José dehan
Momentu Federasaun tolu ne’e atu Partesipa iha Sea Para Games iha Felipina,maibé Covid ne’e mosu muda fali bá Vietnam no kansela nafatin,entaun dada rifa Indonézia mak manan hodi sai uma nain ba eventu refere.
Sorin seluk reprezentante SEJD Maria Luzia Monteru afirma,governu iha comitmentu para apoiu nafatin bá modalidade sira ne’ebé hamahan iha CPNTL nia okos no liu liu ba modalidade tolu ne’ebé sei halo perparasaun atu kompete iha Sea Para Games iha fulan Jullu oin mai.
“Orsamentu ne’ebé mak SEJD preve bá iha modalidade tolu nia perparasaun ne’e rasik hamutuk $38.410 dolar”
Luzia haktuir,ha’u hanoin atleta sira tenki serbisu mak no mós serbisu ekipa hodi perpara A’an halo di’ak mental atu kompete hodi hetan rezultadu di’ak mai TLS tanba governu agora husu rezultadu.
Entertantu,atleta ne’ebé mak Federasaun selesionadu hanesan,Atletismu totál atleta hamutuk nain 5,Tebel Tenis nain 5 no Powerlifting nain 4.
About Post Author
 halo lansamentu ofisiál bá atleta nasionál husi Federasaun 3 nia perparasaun atu partesipa eventu Sea Para Games ne'ebé sei iha solo Indonézia fulan Jullu tinan ne'e.Federasaun tolu ne'ebé mak atu Partesipa iha eventu refere hanesan,Atletismu,Powerlifting no Tenis do Meza.Sekretario Jeral CPNTL Jose Monteru hatete,lansamentu Ida ohin ne'e ami senti kontenti tanba ita nia governu liu husi Sekretáriu Estadu Juventude no Desportu (SEJD) nia reprezentante sempre hamutuk nafatin ho ami.){kind=link}