Dili-iha loron 05 fulan Outubru tinan ne’e Confederasaun Desportu Timor Leste (CDTL) realiza Workshop bá Federasaun 35 kona-ba lei baze Desportu, diploma Ministerial no jestaun.
Workshop ho nia tema kona-ba jestaun hodi hasae organizasaun Desportu sira
Tuir prezidenti CDTL Macario Sanches haktuir, programa ida realiza bá dala rua ona, maibé Federasaun Desportu sira seidauk iha koñesementu diadiak kona-ba Desportu iha Timor
“Federasaun barak mak seidauk koñese di’ak kona-ba lei Desportu no diploma Ministerial tanba ne’e ho avaliasaun ida ne’e dudu CDTL atu melhora konesementu sira ne’e bá Federasaun sira”relata Macario bá jornalista iha Fundasaun oreinte kuarta (05/10)
Tuir nia, lideransa sira ne’e la’ós aprende de’it kona-ba baze Desportu, maibé atu melhora mós sira nia jestaun de organizasaun hodi nune’e sira bele organiza sira Federasaun ho di’ak.
Programa ida ne’e CDTL serbisu hamutuk ho Sekretáriu Estadu Juventude no Desportu SEJD tanba tau hela topicu ida iha ne’ebá katak, dezenvolvementu Desportu no kreteriu bá prestassun atu nune’e klube sira bele hatene ona oinsá maka bele investe bá Federasaun.
“Ita iha Federasaun 35,maibé iha Federasaun 5 mak prense kriteria hodi hatur iha diploma Ministerial iha númeru 40 no mós iha lei baze deportu” Macario informa
Federasaun 5 ne’ebé mak prense ona rekezitu mak hanesan, Federasaun Futebol Timor FFTL, Atletismu, Xadres, Voleibol no Taikwondo.
Sorin seluk Deritor jerál SEJD David Tomas de Deus hateten, ha’u apresia programa ida ne’ebé CDTL halo ne’e tanba CDTL halo tha nia monitorizsaun hodi detekta katak, Federasaun barak mak seidauk komprende kona-ba lei baze Desportu no diploma Ministerial.
“Ho ida ne’e CDTL konvida SEJD mai iha ne’e atu dezamina lei baze Desportu no diploma Ministerial bá Federasaun sira”
Nia sublina, diploma Ministerial ne’e ko’alia kona-ba rekezitu lubuk ida hodi rekoñese sira hanesan organizaun Desportiva ida, maibé sira tenki kompleta rekezitus sira ne’e hafoin hatama pedidu bá SEJD hodi hetan atribuisaun utulizidade públiku.
Tanba ne’e ho Workshop ida ne’e bele fó hanoin bá Federasaun sira hodi dezenvolve sira nia Federasaun tuir buat ne’ebé maka temi iha diploma Ministerial ne’e.
Iha fatin hanesan sekretáriu Jerál Boxing Domingos Maltety afirma,hanesan Federasaun ida senti kontenti tanba ne’e hanesan buat foun ida bá ami atu bele bá organiza Federasaun Boxing di’ak liu tan.
Enkuantu,orador bá Workshop ne’e mak,SEJD aprezenta lei baze Desportu no mós diploma Ministerial,enkuantu ETDA lori programa jestaun
Enkuantu, rekezitu ne’ebé mak Federasaun sira tenki prense mak hanesan, Federasauniha tenki sede,Asosiasaun iha Munisípiu no administrasaun
About Post Author
