DILI-Confederasaun Desportu Timor Leste (CDTL) iha semana kotuk halo ona koperasaun ho medico husi klinik Bairu Pite hodi fo tratamentu ba atleta husi federasaun 8 ne’ebé mak durante ne’e halo perparasaun Sea Games tinan ne’e mak hetan moras ruma bele hetan tratamentu husi klinik Bairu Pite.
Antes ne’e iha federasaun balun hato sira nia preukupasaun ba CDTL kona-ba medico especialista atu halo teste ba atleta sira nia saude molok partesipa iha eventu Sea Games tinan ne’e iha Hanoi Vietnam.
Tanbá ne’e prezidenti CDTL Macario Sanches hatete,iha CDTL seidauk iha medico especialista ida,maibé iha deit mana ida naran Albertina hanesan xefe departementu medico no seinsia desportiva iha CDTL.
“iha loron hirak liu ba ami iha ona kordenasaun ho Klinik Bairu Pite atu hare ba atleta husi federasaun 8 ne’ebé mak halo perparasaun durante ne’e kuandu hetan moras ruma,medicu Klinik Bairu Pite hamutuk ho ami bele halo tratamentu ba sira” relata Macario ba jornalista iha salaun CDTL kinta (03/02)
Nia informa, kona-ba fatin konsentrasaun,hau hanoin iha federasaun 8 mak konsentra ona iha sira nia fatin rasik hanesan,Atletismu konsentra iha Glenu,Boxing konsentra iha Benfica,Karate-do iha Delta,Taikwondo iha Tibar,Natasaun iha Baucau,Futebol perparasaun iha hela rai liur no Bodi –bildin iha genazio.
Maibé parte governu liu husi Sekretario Estadu Juventude no Desportu (SEJD) no CDTL sei halibur atleta husi federasaun 8 ne’e atu tau hamutuk kazerna ida para bele kontrola sira ho diak.
About Post Author
 iha semana kotuk halo ona koperasaun ho medico husi klinik Bairu Pite hodi fo tratamentu ba atleta husi federasaun 8 ne’ebé mak durante ne’e halo perparasaun Sea Games tinan ne’e mak hetan moras ruma bele hetan tratamentu husi klinik Bairu Pite.){kind=link}