DILI-Sekretario Estadu Juventude no Desportu (SEJD) Abrão Saldanha husu ba prezidenti federasaun 7 ne’ebé atu partesipa iha eventu Sea Games Hanoi Vietnam iha fulan Maio tinan ne’e,atu labele temi liafuan ida partesipa deit no tenki hahu hanoin ona oinsa mak atleta sira nia prestasaun.
Iha lansamentu ne’e ho nia tema, lansamentu ofisial ba perparasaun atleta nasional ba Sea Games Vietnam 2022 hodi Timor Leste ba prestasaun
“Hau dehan ba prezidenit federasaun 7 ne’e katak,ita hahu ona hodi hakotu liafuan ida partesipa no ita tenki hahu ona hanoin kona-ba prestasaun” afirma Abrão ba jornalista sira iha nia deskursu,hafoin abertura lansamentu ofisial ba atleta sira iha salaun Ground Flor Timor Plaza sabadu (05/02)
Nia haktuir,ohin momentu ida inportante tebes ba ita atu lansa perparasaun ita nia atleta kontejenti Timor Leste nian atu partesipa iha eventu Sea Games.
Ema hotu hatene katak,desportu laos deit reprezenta prestasaun,maibé reprezenta mos orgulio ba nasaun ida-idak nian no oinsa mak hatudu ejestensia estadu no povo iha nasaun sira seluk nia let.
“Kolega atleta sira,hau hatene ita bo’ot sira trenu ona,tanbá ne’e ita foin lansa no ofesiliza imi nia perparasaun no seidauk tama ba partesipasaun”
Governante ne’e informa,hau hakas tan dala ida ba prezidenti federasaun, atleta no trenador sira katak,numeru ida amenta mak labele no numeru ida redus ne’e mak bele.
Tanbá hau hatene ona Sistema ne’e bele redus katak,sei mak iha kapasidade hatudu duni prestasaun,nia mak bele reprezenta ita hotu.sei seidauk iha kapasidade atu prestasaun,entaun ita hatudu lai iha rai laran.
Nia mos husu ba atleta sira atu iha desplina nafatin hodi labele hasoru defekuldade atu ba liur tanbá covid.
Sorin seluk prezidenti Confederasaun Desportu Timor Leste (CDTL) Macario Sanches haklaken,nudar prezidenti CDTL ondradu oituan bele hamrik iha ne’e hamutuk iha ita bo’ot sira nia oin atu deklara katak,Timor Leste ba prestasaun laos ba partesipa,maibé compete atu lori bandeira TL semu iha eventu inernasional.
“Iha tinan 4 ba kotuk ita koalia oinsa mak ita perpara atleta,maibé tinan ida agora ita komesa no hanoin oinsa mak presta kualidade atleta sira nian.tanbá ne’e perparasaun ohin provas mai ita atu perpara diak-diak oituan hodi compete iha Sea Games tinan ne’e iha Vietnam”
Enkuantu partesipa iha lansamentu ofisial refere,mai husi prezidenti federasaun 7 mak hanesan, Taekwondo, Karate-do, Atletismu, Fútebol, Buldy-Beldin, Natasaun no Power Liftin no total atleta hamutuk 54.
About Post Author
 Abrão Saldanha husu ba prezidenti federasaun 7 ne’ebé atu partesipa iha eventu Sea Games Hanoi Vietnam iha fulan Maio tinan ne’e,atu labele temi liafuan ida partesipa deit no tenki hahu hanoin ona oinsa mak atleta sira nia prestasaun.){kind=link}