DILI-(Desportu XYZ) Comfederasaun Desportu Timor Leste (CDTL) realiza formasaun kona-ba atendementu Publiku ba Modalidade Desportivas sira iha Timor Leste.
Vise Prezidente CDTL, Inocensio de Araújo informa,CDTL nia knar duni para atu halao Workshop kona-ba dezenvolventu Organizasaun Desportivas.
“Primeiru mak kona-ba atendementu publiku iha Federasaun Desportivas sira, sira halo atendementu bá admnistrasaun no mos rekursu sira seluk iha sira nia Federasaun,”dehan nia ba Jornalista sira iha Salaun Luz Clarita,Dili, tersa feira ne’e
Inocensio haktuir, formasaun ne’e ko’alia kona-ba importansia piskologia.
“Ita hatene katak iha organizasaun Desportivas Atleta balu no funsionariu Federasaun nian kuandu servisu iha presaun piskolojia entaun servisu sei la’o la di’ak.
Alemde ne’e mak planeamentu no monitorizasaun, tanba iha Federasaun sira tenke iha planu ne’ebé di’ak hodi avalia nia rezultadu, depois kona-ba mos sistema protokolu iha organizasaun Desportivas ne’e importante, no oinsa mak halo jestaun ba organizasaun desportivas.
Nia akresenta dursaun ba Workshop ne’e rasik hala’o durante loron 2.
Iha fatin hanesan Orador ba Workshop ne’e rasik i Atual Diretur Nasional Formasaun INAP, José de Araújo hatete kada organizasaun nia finalidade no objetivu atu fornese atendementu ba iha Publiku.
Tanba ne’e mak husi CDTL sente katak materia atendementu publiku ne’e importante tebes atu fo ba iha sira ne’ebé mak involve A’an iha organizasaun ida ne’e atu bele hadia sira nia kualidade atendementu.
” Timor Leste iha problema ida mak atendementu publiku iha setor privadu no publiku, maibé atendementu seidauk iha nia kualidade ne’ebé mak di’ak tebes”nia esplika
Entaun ami mos sente orgullu tanba CDTL hare ona katak afinal atendementu publiku ne’e importante tebes.
About Post Author
