Dili-relasiona ho problema salariu Jogador Italo Soares Pementel ne’ebé halo klube Sigante Lalenok United tenki resigna A’an husi Liga Futebol Timor Leste (LFTL) Epoka 2022.
Tanba ne’e Klube Asslam husu bá Federasaun Futebol Timor Leste (FFTL) atu determina salariu estandar bá jogador estranjeiru sira atu nune’e labele akontese bá klube seluk.
Prezidenti Assalam Fc Ipolitu Soares hateten, hanesan klube senti tristi bot ida bá Lalenok ne’ebé resigna A’an husi Liga Epoka ne’e.
“Ita tenki kuidadu ho kontratu bá jogador estranjeiru sira tanba ne’e ha’u sujestaun bá FFTL sei bele tau salariu estandar bá jogador estranjeiru sira atu nune’e labele akontese hanesan Lalenok” dehan Ipolitu bá jornalista iha Bairu Grilos kuarta foin lalais ne’e.
Nia hatutan, bainhira nia atu mai joga iha Timor, FFTL Tenki hatene iha salariu estandar no jogador ne’e merese simu salariu hanesan ne’e ga lae tanba jogador ne’e iha nia rai joga iha segundu devizaun ga premeru devizaun ita la hatene.
“Ita labele husi jogador estranjeiru mai nadodon sem konesementu husi FFTL tanba ne’e ha’u nia hanoin sira tenki aplika naran International Transferensia Certifikadu (ITC) ne’e la’ós klube mak halo,maibé klube hatama de’it dokomentus bá FFTL maka halo” Ipolitu sublina
Klube sira tenki hatene atu nune’e mosu problema ruma ho jogador estranjeiru sira ita mós bele Resolve.
About Post Author
