Prezidente Asosiasaun Treinadór Timor-Leste Gaspar Quintão, hatete husu ba orgaun Liga Futebol Timor-Leste (LFTL) atu ezerse treinadór Timor oan ho lisensa B hodi lidera klubu primeiru divizaun iha ita nia rain
“Ami hato’o ezijénsia asosiasaun trenadór Timor oan nian ne’e ba LFTL atu ezerse treinadór lokal ho lisensa B ba klubu primeiru divizaun sira iha liga tinan ne’e, informa Gaspar ba jornalista iha sede FFTL, Segunda (22/02).
Nia dehan ezijénsia ne’e LFTL tenki buka meius oinsa atu manda fali karta ida ba Federasaun Futebol Timor-Leste (FFTL) atu nune’e orgaun ezekutivu sira diskuti hamutuk hodi bele foti desizaun legal ida atu aplika iha rai ida ne’e.
Tanba treinadór estranjeiru ne’ebé mak atu tama mai Timor hodi lidera klubu primeiru divizaun, tenki iha lisensa A no diploma prof, tanba nia tenki bo’ot liu fali ita nia treinadór lokal sira ho lisensa B hafoin bele lidera klubu, haktuir nia.
Ita iha ona esperiensia foin lalais treinadór estranjeiru iha klubu Lalenok United Simon Elesstche klubu Malasia kansela tia treinadór refere, tanba problema ho sertifikadu treinadór.
Tan ne’e ita tenki hare problema ne’e didiak ho treinadór ne’ebé mak ho lisensa iha atu bele la’o tuir legalidade hodi bele hasae futebol iha rai laran.
Konaba formasaun ba treinadór lisensa B, ita kuaze halo dala rua, tanba ne’e iha treinadór ho lisensa B sufseinte ona hodi lidera klubu sira iha Timor,maibe depende fali ba klubu sira.
“Numeru lolos ba treinadór lisensa B iha Timor hamutuk nain 7, no iha formasaun ba segundu etapa tinan 2021 hamtutuk 21 trenador ne’ebè mak tuir formasaun to’o remata, no agora sei hein hela rezultadu iha fulan oin mai atu passa ba lisensa B. (Eug).
