DILI – Deritor Relasaun Publik LFTL Diogo Neto Fraga informa, koperasaun entre Federasaun Futebol Timor Leste (FFTL), no Liga Futebol Timor-Leste (LFTL) lao diak, tanba objetivu hakarak lori futebol iha Timor-Leste lao ba oin.
Diogo hatete, hanesan ema foun ida mai asumi kargu iha Liga, hau observa katak durante ne’e liga futebol iha Timor la’o duni no koperasaun entre federasaun ho liga la’o diak hela la’os foin agora tanba objetivu hakarak lori futebol iha Timor lao ba oin.
“Liga nia koperasaun ho federasaun di’ak tanba futebol nia na’in lolos mak federasaun, katak kompetensia tomak liga jere tenki koñesementu klean no klaru husi federasaun” relata Diogo ba jornalista iha eis sional SEJD, Tersa (09/02).
Nia hatutan federasaun rasik mos la husik liga, maske iha desentendimentu konflitu balun, maibe desentendimentu refere la’os buat ida ke’e bo’ot tanba ajusta fali ideias hamutuk para lori dezenvolvimentu futebol ba oin.
“Ita hare kuandu na’in ba futebol mak preukupa atu tur hamutuk ke-dizer ke sira hakarak hadia futebol iha Timor Leste” dehan Diogo.
FFTL mak hanesan orgaun regulador ba futebol iha pais ida, ne’e duni sei la bele diskute kona ba funsaun, no kompetensia iha FFTL, liga nia kompetensia maka oinsa halo kompetisaun iha rai laran hodi bele la’o.
Sei wainhira iha buat ruma persija diskuti parte rua tenki ho vontade di’ak atu diskuti, tanba objetivu husi parte rua nian hamutuk maka bele sai forte liu tan hodi dezenvolvimentu futebol ba oin.(Eug)
