Dili-Futebolista meiu kampu (médiu) husi ekipa segundu divizaun Fc Portu Taibesi (PT) nian, Armindo de Almeida reforsa hikas Boavista FC de Timor, alias Panteras Negras iha Liga Futeból Timor Leste (LFTL) tinan ne’e.
Tanba tuir Armindo katak, depois de jogu Liga taxa 12 Novembru 2020 remata, liu husi janela transferénsia jogadór ba tinan ne’e, nia hetan fali kontatu husi Boavista atu haforsa fali ekipa ne’e iha liga ba époka tinan ne’e nia laran.
“Hau hakarak mai Boavista tanba hau mós hanoin katak, hanesan selesaun nasional TL nian ida tenki joga iha ekipa primera divizaun sira”. Informa nia hafoin remata treinamentu jogu iha kampu Demokrasia FFTL, Segunda (25/01/2021).
Futebolista meio campo ne’e esklarese tan, antes ne’e iha klubu balun koko kontatu nia, maibé nia la iha resposta ruma, tanba ne’e nia hili liu Boavista tanba harak iha tarjet man iha kompetisaun liga ba tinan ne’e.
Futebolista selesaun nasionál TL ne’e mós afirma, hamutuk fali ho Boavista iha époka tinan ne’e, iha esperansa bot hakarak ekipa ne’e tenki hetan rejultadu di’ak iha liga ba époka tinan ne’e.
“Hau sei hatudu hau nia talentu ne’ebé iha, nune’e treinu tan ho kolega sira iha klubu bele lori ekipa hetan rejultadu di’ak”. Nia promete.
Armindo antes ne’e mós haforsa ona ekipa balun Ganesan, Lalenok United FC, Assalam FC, Acádemica FC no FC Portu Taibesi, tanba ne’e iha jornáda janela tranferensia tinan ne’e hamutuk fila ho Boavista. (Vidal).
