DILI-Jogu final tasa Nino Konis Santana iha munisípiu Lautein, hasoru problema tékniku no dezintendimentu. Kestaun ne’e to’o mós iha federasaun futeból Timor-Leste (FFTL) ninia tilun.
“Saudasoens Disportivas, Rona dehan jogo Futebol Konis Santana Cup, mosu problema kik oan ida entre Komisaun Organizadora-K.O ho Clubo rua nebe atu joga iha Final,” sita atuál sekretario Jeral FFTL Nelyo Isaac, hanesan desportu.xyz asesu hosi ninia konta sosiál facebook.
Iha mós intervensaun husi PNTL Municipio Lautem hodi ajuda hakalma parte rua, nune labele hamosu problemas crimis.
“Atan hau sujere ba K.O atu brani fo solusaun tamba eventus ida ne, responsavel maximu husi K.O.
Komisaun Organizadora mak tenke Neutru no iha Diretu liu atu desidi Kampo, tuir ba kondisoens iha Lautem. K.O kordena ho PNTL hodi husu PNTL Municipio Lautem, fo seguranca ba kampo futebol nebe atu uja ba jogu Final.
K.O ho PNTL Lautem, iha obrigasaun atu garantia ba jogador, penonton sira, arbitu ho ema hotu nebe ba asisti jogu ne katak seguru” apela sekjer FFTL ne’e.
Tuir Nelyo, Bainhira laiha solusaun husi K.O ba eventus final ne, maka tuir ba regras futebol tenke buka fatin Neutro atu realiza Jogu Final.
Husu Lautem oan sira ho calma atu ajuda malu hodi fo ksolok ba Komunidade Lautem hotu iha festa atu simu tinan Foun.
Nelyo dehan, Iha disportu Futebol se maka manang ho lakon laos atu lori ita kria inimigo ba malu, maibe liu husi eventus futebol Nino Konis Santana Cup, bele hametin ita nia amizade no unidos hodi hare malu nudar Familia ida deit.
