DILI – Treinadór ekipa femenina S’Amuser Rolizio dos Santos katak lakon ho Ad SLB Laulara 4-0 iha jogu taca Rosa Mukit de Bonaparte tanba jogador sira joga tuir sira nia hakarak la tuir instrusaun husi treinador.
Tuir treinadór katak ohin derota ho SLB 4-0 hanesan avaliasaun ida ba treinadór no estrutura tomak ekipa S’Amuser atu hadia iha jogu tuir mai kontra Maranatha.
“Hau simu lakon ho SLB tan deit jogador S’Amuser sira la rona liu treinadór nia instrusaun, maibee joga tuir fali jogador ida-idak nia hakarak” relata Rolizio ba jornalista iha estadiun munisipal Dili sesta (18/12)
Nia haktuir iha jogu primeira parte ritmu jogu kuaze hanesan maibe natureza udan halo kampu nakonu ho bee jogu adia ba ohin dader halo jogador S’Amuser laiha konsentrasaun no mentalidade monu.
Fallansu ne’ebé mak jogador S’Amuser halo ami estuda ona atu hadia jogador sira nia mentalidade hodi hein jogu kontra Maranatha iha loron aban, dehan nia
Rolizio promote hanesan treinadór estuda ona ekipa Maranatha nia jogu tan ne’e ami fiar katak ekipa S’Amuser sei hetan fatin datoluk iha taca Rosa Mukit de Bonaparte ne’ebé mak sei hala’o iha estadiun munisipal Dili sabadu (19/12) Ors:16:00.(Eug)
