DILI- Federasaun Futeból Timor-Leste liu hosi diresaun arbitrajen fó resposta pozitivu ba komisaun organizadór tasa komandante Nino Konis Santana 2020 hodi kontinua jogu oitavu finais.
Komisaun organizadora Tasa Nino Koni Santana 2020 iha munisípiu Lautein hato’o foin lalais hapara jogu oitavu finais tanba árbitru lokál sei hú hela iha liga juveníl.
Jogu tasa komandante Nino Konis Santana iha munisípiu Lautein hala’o iha fulan kotuk partisipa hosi ekipa futeból 61, remata ona faze kualifikasaun grupu ba 32 no finaliza mós faze 16 finais, no oras ne’e hakat mai oitavu finais, seidauk bele kontinua tanba difikulta iha menus árbitru derije jogu.
“Ami kontente ba responde pozitivu,” informa Delcio da Costa Guimaraes, atuál prezidente komisaun organizadora tasa Komandante Nino Konis Santana 2020, ba desportu xyz, segunda (14/12).
Nia haktuir katak hosi FFTL diresaun arbitrajen sei dezloka ema na’in rua, hodi ba ezekuta servisu iha jogu tuir oráriu 8° Finais Jogu 4, Semifinais Jogu 2, Hadau 3° Lugar ho Final Jogu 2, Total Jogu to final hamutuk 8. (Augusto)
