DILI – Maun Boot Kay Rala Xanana Gusmão asiste direita iha estádiu Munisipál Dili, final tasa 12 Novembru 2020 nian.
Prezensa Abo Nana iha estadiun hatudu hosi imajen neebe asesu hosi jornalista Eujevio Pereira ne’ebé hatudu Abo Nana tur kedas ho prezidente liga Timorense Nilton Gusmão, inklui prezidente Lalenok United FC, Pedro Belo iha fileira tribun VIP.
Abo Nana ninia prezensa tanba nudar prezidente ba Klube AD SLB Laulara. Enkuantu abo nanán ninia prejensa iha públiku nudar ba dahuluk hafoin nia fila hosi Indonesia no halo auto kuarentena tanba kumpre protokolu prevensaun virus covid-19.
Iha jogu final ne’e Ekipa Lalenok United ho susesu xave primeira parte jogu hodi manan liu hosi úniku golu ne’ebé mosu iha primeira parte jogu iha final tasa 12 Novembru 2020. Lalenok ninia golu hamosu hosi jogadór Elias Mesquita.
Makikit Laulara konsege hamosu golu hodi maibé árbitru derije jogu la ofisializa golu refere tanba konsidera offside.
Jogu final Tasa 12 Novembru hetan atrazu tranzmisaun tanba problema eletrisidade. Maibé tranzmisaun kontinua hafoin jogu lao besik minutu 10 nia laran.
Enkuantu jogu primeira parte termina no kontinua fali ba segunda parte nian(*)
