MANUFAHI–Eis prezidente Parlamentu nasional Arão Noe de Jesus Amaral, kompete ho prezidente sesante Assosiasaun Fotebool Manufahi (AFM) liu husi eleisaun konferensista desidi ho votus sanolu (13) ba Arão Noe hodi lidera AFM iha tinan 4 hahu husi 2020-2024.
“Agradese tebes ba kongresista sira ne’ebé fó votus maioria mai hau ho ekipa ne’ebé eleitu maske ho dezafius boot no todan maibé fiar katak ho apoiu husi maluk ne’ebé hadomi desportu fiar katak sei ultrapasa”dehan, Arão ba jornalista iha Nu’u laran Same, Kinta (10/12).
Prezidente eleitu ne’e hateten, iha mandatu hakarak reativa fila fali AFM ne’ebé halo konferensia iha tinan 2004, lolos ne’e halo fali konferensia daruak maibé tanba situasaun krize mak adia too ohin loron foin realiza.
“Neduni restruturasaun ne’e tanba ejijiensia husi joven sira tanba laiha aktividades tanba ne’e mak ohin ita realiza konferensia ba daruak hodi hadia no reorganiza fila fali AFM”nia dehan.
Tuir nia katak, sei reativa fila fali aktividades desportu kompetisaun hanesan uluk tinan 2005-2006 AFM Cup durante tinan rua tutuir malu susesu tebes no iha tinan 2021 torneiu refere sei komesa fila fali.
“Tanba ne’e ami nia komprimisiu tinan-tinan realiza liga AFM cup nune’e abitua joven sira iha kampu nune’e sira bele sai jogador profesional iha futuru”nia esplika.
Nune’e ba oin sei kria mos klubu desporth ba feto maske la kompete iha AFM maibe organiza partisipa iha nasional bainhira iha jogu ruma nune’e influensia feto iha munisipiu kria klubu hodi kompete iha AFM Cup iha munisipíu.
“Ita mos iha prioridade kontinua formasaun ba arbitrajen tanba durante ne’e federasaun footbal Timor Leste fó ona formasaun lobuk ida no ita haruka ona joven ba partisipa balun hetan ona kartaun C no ba oin kontinua hodi hetan klasifikasaun B no klasifikasaun A bele lidera jogu nasional no jogu internasionàl” nia dehan.
Sei iha mos treinamentu prioridade ba treiñador klubu hodi hasae esperiensia atu bele treinu jogador sira iha ida-idak nia klubu rasik.
Tuir observasaun nota katak, kongresista partisipa iha kongresu ne’e kompostu husi delegadu klubu fotubol na’in sanulu 11, delegadu asosiasaun arbitrajem na’in 1, jogador feminina delegadu na’in 1 no treinadór delegadu na’in 1 inklui observadór nain haat 40 resin.
Prosesu kandidatura avansa ho pakote rua (2) kompostu husi estrutura tuan ho estrutura foun no rezultadu votasaun pakote A eis presidenti Parlamentu nasional Arão Noe de Jesus Amaral manan ho votus maioria eleitu 11 ba prezidente AFM ho votus 11, husi total votus delegadu na’in 14.
Enkuantu presidenti Arão Noe de Jesus Amaral, vise Alcino Sarmento, membru ezecurivu I. Arantes Isaac Sarmento, II Lavão Pinheiro, III Geraldo da Costa, Joanita Corte-Real no 5 Oscar Fernandes.(*)
