DILI – Jogu tasa 12 Novembru 2020 to iha faze rohan, klube AD SLB Laulara kontinua hakat ba faze finál tanba kauza hosi performa ninia mákina golu Mouzinho de Lima. Ba leitores desportu mai akompaña hamutuk perfoma Mouzinho nian iha final tasa 12 Novembru iha loron 12 Dezembru semana ne’e.
Foin lalais kontra DIT-FC iha semi final, Jogu la’o primeira parte, SLB loke golu dahuluk hodi hamanas jogu kontra DIT FC, jogadór Kamizola 17, (Zinivio Mota) konverte bola atake ne’ebé kauza hosi la xave metin hosi defeza DIT nian iha grande area laran.
Zinivio simu bola hosi klaran kontrola no konsege kedok hosi hakat espasu dala rua hodi tiru kedas ba rede, ho pozisaun ne’ebé la aserta Ricardo Nunes (Guarda Rede DIT-FC) monu duni maibé lolo liman la to’o atu satan no obriga nia tenke ba hili duni bola hosi rede laran.
Rezultadu la dura kleur, mezmu hela ho rezultadu zero DIT mantein ritmu kontrola no atake, rezultadu hatudu aserta iha minutu 38 jogadór Venceslau Fatima ofrese golu resposta ba SLB Laulara liu hosi bola crossing no barullu iha grande area laran.
Bola refere nudar bola atake hosi liman karuk ne’ebé kontrola diak hosi Kapitaun DIT FC ne’ebé defisil tama iha grande area SLB nian, ho pozisaun la seguru nia konsege crossing assit ikus mai golu ne’e akontese.
Ekipa rua jere jogu to laiha ida maka aumenta golu too termina primeira parte, mantein 1-1. No tama segunda parte mos ekipa rua kontinua ritmu atake maibé bola hahú pasa barak liu hosi DIT-FC hodi domina bola mezmu SLB maka halo ameasa barak liu.
Tama iha minutu 69, treinadór SLB Laulara Kim Shin Hwan deside hatún kedas mákina golu Muzinho de Lima.
Bainhira Mouzinho sai hosi banku offisiál euforia adeptu SLB Laulara haklalak rame no basa liman, nune’e ambiente hosi treinadór DIT FC, Mial Arman tenke foti ulun hateke ho hakuak liman metin.
Tama iha kampu laran Mouzinho hetan oportunidade barak liu hafoin iha minutu 20 antes segunda parte nian SLB hetan presaun, ho Mozuzinho ninia prezensa SLB maka halo presaun barak liu.
Iha minutu 72, Mouzinho hetan bola hosi klaran no drible ba oin hodi halo surpreza ho ain ne’ebé sei iha faze rekuperasaun konsege hamosu bola kañaun hodi les rede DIT no lori SLB manan fali jogu 2-1. Mouzinho hetan kedas kastigu kartaun kinur tansá selebra golu ho hodi hasai kamiza iha kampu laran.
Iha miutu 81, Ho prezensa Mouzinho nian influensia konsentrasaun adversáriu ba João Pedro hahú menus nune’e kombinasaun entre Mozunho ho JP halo rede DIT FC hetan ameasa dala barak ameasa. Ho bola atake metru tolu dook hosi grande area João Pedro aumenta kedas golu daruak hodi SLB Lidera DIT 3-1.
Tanba selebra golu hasai faru, árbitru derije jogu Pedro Maia Carvalho kastigu kedas JP hetan kartaun kinur.
Vitória ne’ebé SLB Laulara hetan ladook hosi kontribuisaun Mouzinho nian iha segunda parte. Too iha jogu semi final ne’e mouzinho kontribui ba SLB hodi joga dala tolu no tur iha banku substituisaun, total joga iha tasa 12 novembru 2020 nian iha de’it minutu 52 no produs golu rua.
Sura hosi kopa FFTL, Mouznho tun kampu dala sira ho Farda Makikit Laulara ne’e no jogu hitu tun hanesan ekipa prinsipál no seluk tun hanesan supliente. Total golu hosi Kopa FFTL 2020 ho tasa 12 novembru 2020, provizoriamente nia halibur golu 16. Hosi númeru ne’e golu ida halo hosi sutu penalidade. (Augusto)
