Dili-Treinadór Lalenok United Fc, Simon Elessetche, apresia ho vitória ne’ebé nia ekipa rekolla ho Boavista Fc iha semi finail ba tasa 12 Novembru 2020, nune’e hodi hakat ba faze finál.
Tuir treinadór, iha jogu primera parte sira lidera uluk golu ho scor 1-0, maibé hakat ba jogu segundu parte hodi mosu penalidade hodi muda scor 1-1.
“Árbitu nia desizaun ba penalidade husi Boavista nian ohin la justu, tanba ne’e mak ami halo protestu”. Treinadór ne’e hato’o lia hirak ne’e iha stadium munisípal Dili-Sabádu (05/12/2020).
Treinadór ne’e mós akresenta, relasiona preparasaun ba faze finál, nia parte sei haree jogu entre AD-SLB kontra DIT aban Domingu (06/12), hodi haree sira nia forsa husi jogu refere.
Nune’e mós nia jogadór balun ne’ebé hetan aleiza, nia parte sei iha informasaun husi sira nia médiku ekipa ninian, tan ne’e espera sira sei joga iha jogu tuir mai. (Vidal).
