Dili – Treinadór Emmanuel Fc, Januario de Almeida hateten, maske sira hanesan ekipa segundu divizaun hasoru Boavista hanesan ekipa primera divizaun, maibé hakarak ka lakoi tenki manan, tanba esperiénsia ekipa rua joga kontra malu antes ona iha Copa FFTL foin liu ba.
Tuir treinadór ne’e katak, hanesan treinadór hakarak nia ekipa tenki manan, maske sira joga di’ak ka lae, maibé hakarak hetan vitória.
“Destinu jogu iha 90 minutu mak sei termina, se mak manan iha jogu ne’e rasik”. Treinadór ne’e relata iha LFTL Xanana Sport Centre, Kinta (26/11).
Nia rekoñese, Boavista hanesan ekipa bot ho esperiénsia jogadór mesak di’ak, tan ne’e sira nafatin preparadu hodi hadi hasoru ekipa adversáriu.
Maske sira derota ona ho Boavista jogu copa FFTL liu ba, maibé tuir nia sira hadi’a ona buat balun atu hasoru Boavista.
“Fallansu ne’ebé ami iha, nune’e sira aproveita hodi produs golu, ami tenta hadi’a ona, atu nune’e labele akontese tan”. Nia informa.
Tan ne’e tuir nia, Emmanuel sei la’o ho formatu 4-4-2. (Vidal).
