DILI-Guarda rede AS Ponta Leste sai heroi hodi manan adversáriu Aitana hanesan rival ne’ebé nunka manan iha tinan lima nia laran, ikus mai vitória iha sábadu nee nudar vitória dahuluk Ponta Leste fo ba Aitana.
Fuan tuku-tuku, hakat ba sutu penalidade, guarda rede Ponta Leste Albino Ximenes sama metin iha risku mutin, hafoin árbitru Pedro Carvalho huu , bola sutu dahuluk AItana FC, jogaor kamizola halo hosi ponta Leste guarda rede monu ba liman karuk no ninia ain konsege halo duni salvasaun. (sepakan voli) hodi salva bola la tama hakat liu risku motín hodi tama rede laran.
Bola segundu hosi Aitana, Guarda rede nee monu ba liman loos hodi aserta duni bola no baku ho liman rua. Bola terseru semo as, enkuantu bola rua seluk golu.
“Ha’u sente katak istória ami labele muda duni, ha’u triste uitoan,” deklara Albino ba Desportu.xyz hodi haktuir nia la haksolok ho jogu primeira parte ne’ebé hamosu presaun no loke golu dahuluk hosi ekipa adversáriu.
“Ami Ponta Leste trauma ho Aitana FC, tanba tuir istória ami joga mai la manan sira, maibé ohin ha’u kontente rezultadu bele muda, tanba ami hotu esforsu,” deklara guarda rede ne’e.
Ekipa rua finaliza minutu 90 ho rezultadu empatadu 3-3, no hakat ba faze determinante sutu penalidade.
Sutu hosi adversáriu Aitana, Gurada rede Ponta Leste ne’e satan dui bola rua hosi adversáriu, ida baku ho liman, ida seluk baku sai ho ain.
Ezkutador hosi Aitana hanesan Lamberto Ximenes La hamosu golu inklui jogadór rua hosi Miguel Araújo ho Rigoberto Lay, so Jilson dos Reis de’it maka less duni Rede Ponta Leste nian.
Enkuantu Hakat ba Penalty Kick hosi Ponta Leste ho susesu les rede aitana nian ne’ebé hein hosi Celestino Pinto dala tolu, golu mai hosi liu hosi bola sutu Silveiro Garcia, Jacinto Soares, ho Elidio da Costa, enkuantu bola hosi Elvanio da Costa la golu. (Augusto)
