Dili-Emmanuel Fc hanesan ekipa segundu divizaun, iha ne’ebé hakat mós ba faze oitavu finais, bainhira elimina nia ekipa adversáriu, Santa Cruz Fc, ho skor 2-0, iha jogu dahuluk ba taxa 12 Novembru tinan ne’e.
Tanba ne’e, Emmanuel tenki hakat ba oin, hodi hasoru ekipa jigante Boavista Fc, iha faze oitavu finais, iha stadium Munísipal Dili, iha fulan Novembru tinan ne’e nia laran.
Tuir treinadór Emmanuel Fc, Januario de Almeida hateten, jogu ohin Santa Cruz mós hanesan ekipa ne’ebé joga di’ak, maibé Emmanuel konsege produs uluk golu.
“Treinadór nia hakarak, ekipa tenki manan, hodi hakat tan faze tuir mai”. Hateten treinadór ne’e iha konfrénsia imprensa iha stadium Munísipal Dili-Domingu (22/11/2020).
Nia mós informa, nia jogadór maiória iha juvinil, maibé hatudu duni sira nia jogu hodi rekolla vitória ne’e.
Tanba ne’e, nia promete, ba oin nafatin halo preparasaun hodi hasoru ekipa seluk tuir mai. (Vidal).
