Dili – Treinadór Aitana FC, Octavio Alves hateten, maske derota ho AS Ponta Leste ho skor 4-6, maibé orgullu ho nia akipa, tanba derota ho rejultadu penalidade.
Tuir treinadór ne’e katak, derota ida ohin ho Ponta Leste, sente orgullu tebes, tanba jogu ida ohin ne’e, jogu ida la’o ho rítmu ne’ebé makas tebes, tanba bele konsege halo impata to’o hakotu ho penalidade.
“Hau hanoin ami derota ho penalidade ne’e sente orgullu tebes”. Hateten treinadór ne’e hafoin remata jogu entre ekipa rua iha stadium Munísipal Dili-Sabádu (21/11/2020).
Treinadór ne’e esplika, jogu ida ohin ne’e, husi sira nia ekipa falla iha buat barak, maibé hatudu duni rejultadu di’ak iha jogu nia laran.
“Durante ami trenu ne’e, sai dunik iha jogu ida ne’e, ida ne’e mak ami orgullu”. Apresia treinadór ne’e.
Enkuantu treinadór ne’e espresa, kualker se de’it, kontente ho jogu ida ohin ne’e, tanba ne’e realidade mak hanesan ne’e ona, tanba penalidade mak hakotu lakon ho manan. (Vidal).
