Dili – Treinadór Aitana Fc, Octavio Alves hateten, manan Portu Taibesi Fc, sei halo preparasaun di’ak liu tan hodi hasoru ekipa Ponta Leste iha jogu tuir mai.
Tuir treinadór ne’e katak, nia parte kontente tebes ho vitória ne’ebé nia ekipa rekolla, ho skor 4-2, tanba jogu ne’e hanesan parte ida hodi ultrapasa ba faze tuir mai.
“Hau hanoin vitória ne’ebé ami hetan, ba oin ami kontinua halo preparasaun di’ak ba físiku no tátiku ne’ebé di’ak hodi hasoru ekipa sira tuir mai hasoru Ponta Leste”. Treinadór ne’e dehan iha nia entrevista hafoin remata jogu iha stadium Munísipal Dili-Domingu (15/11/2020).
Tanba ne’e, treinadór Aitana ne’e afirma, maske iha jogu tuir mai sira hasoru ekipa bot Ponta Leste, maibé nia konsidera iha jogu mak termina.
“Ba ami maske hasoru Ponta Leste maske maka’as ka ami mak maka’as mós ’90’ mak termina”. Nia afirma.
Entretantu, kapitaun Aitana Jilson dos Reis mós rekoñese, Portu Taibesi hanesan ekipa ne’ebé antese ne’e manan ona sira, tanba ne’e iha jogu taxa 12 de Novembru tinan ne’e sira konsege reaponde hikas derota ne’ebé liu ba.
Nia promete, sira sei halo preparasaun di’ak liu tan iha parte físiku ninian, hodi hasoru jogu tuir mai. (Vidal).
