DILI – Jogu Semi final Kopa FFTL, sorte la adere ba Boavista FC tanba ninia rede hetan fura hosi lalenok united iha primeira parte, iha estádiu munisipál Dili, tersa (20/10).
Hafoin kick off, jogu lidera hosi árbitru Pedro Maia de Carvalho, la dura kleur, liu de’it minutu rua, jogadór lalenok United, Agaly hamosu golu hodi árbitru lidera jogu indika kedas ba sentra fatin. Rezultadu 1-0.
Tuir kedas iha minutu 26 Boavista liu hosi presaun kontra atake hamosu golu hodi empate jogu, golu refere nudar sutu bola free kick hosi jogadór Kefi, maibé rezultadu empate la dura kleur.
Iha minutu 29, Paulo gally hamosu bola Crossing nune’e konverte di’ak hosi Hermínio Sousa Kamizola 15, hamosu golu ho bola ain nune’e lalenok responde fali golu daruak ne’e hodi hanehan nafatin rezultadu 2-1.
Hosi jogu primeira parte ne’e árbitru Pedro Maia lolo liman ba bolsu hasai kartaun Kinur dala rua, dahuluk hasoru Jogador Boateng boavista FC no daruak hasoru Fagio Pereira, guarda rede lalenok United.
Atu termina primeira parte Lelenok aumenta tan ninia valor golu ba 3-1. Golu ikus nian iha minutu 45+ jogu parte dahuluk nee hamosu hosi jogadór Elias Meskita kamizola 10
Jogu parte dahuluk termina no vitória sei afilia ba lalenok United, no hein fali segunda parte, Bovista sei nafatin esforsu kompleta minutu 90.
Tama segunda parte Boavista nafatin ho espíritu jogu hodi atake adversáriu no hamsoru rezultadu diak iha minutu 61.
Boavista hamosu golu daruak liu hosi bola falta Free kick ezekuta hosi Nataniel Reis no konverte di’ak hosi Kefi hamosu bola golu ho ulun hodi hamihis presaun golu 2-3.
Ekipa rua kontinua jogu agresivu to’o minutu 90+4, to árbitru pedro Maia hu ba dala ikus nian termina vitória sadere ba lalenok United hodi hakat ba Final kopa FFTL, hodi hein jogu semi final tuir mai kontra ekipa vensedor entre Assalam FV ho SLB Laulara.
Enkuantu Boavista sei hein atu joga kontra ekipa derrota entre Assalam ho SLB hodi hadau malu terseru no kuartu lugar. (ato)
