Dili – Ekipa AS Marca ne’ebé hala’o jogu ba datoluk, kontra Nagardjo Fc, tan ne’e tenki lakon pontu tolu ho ekipa adversáriu ho skor 3-1.
AS Marca hela jogu ikus kontra Fitun Estudante, hodi determina hakat ba oitavu finais ka lae, tanba derota dala rua, no manan dala ida.
Tanba ne’e, tuir treinadór AS Marca Romão Guterres hateten, maske derota ho Nagardjo, maibé nia parte kontente nafatin tanba sei iha oportunidade iha jogu ikus kontra Fitun Estudante.
“Ami sei iha jogu ikus kontra Fitun Estudante Lorosa’e, tanba ne’e hanesan jogu finál hodi determina atu hakat ba oitavu finais”. Hateten treinadór ne’e iha stadium Munísipal Dili-Sexta (02/10/2020).
Nia rekoñese, derota ohin tanba hetan fallansu husi formatu jogu, tan ne’e hodi rejulta golu rua.
Tanba ne’e, nia dehan ba oin nafatin esforsu hodi hasoru iha jogu tuir mai, tanba ekipa adversáriu mós sei iha oportunidade atu hakat ba oitavu finais.
Nia promete, iha esperansa nia ekipa bele hakat to’o iha faze oitavu finais. (Vidal).
