Dili – Ekipa Fitun Estudante Lorosa’e Fc (FIEL), tenki simu derota fila fali ho ekipa adversáriu Atlétiku Ultramar, iha jogu ba jornáda datoluk nian iha grupu B, ba Kopa FFTL tinan ne’e.
Tuir treinadór FIEL Arsenio Afonso deklara, derota ho ekipa adversáriu ho skor 1-2, tanba ne’e mak natureza jogu, ida manan no ida tenki lakon.
Nune’e mós treinadór ne’e dehan tan, sira falla iha parte liña avansadu atu produz golu ba ekipa adversáriu.
“Ami sei iha oportunidade jogu ikus, hodi determina lolos atu hakat ba oitavu finais”. Dehan Afonso iha fatin konferénsia imprensa stadium Munísipal Dili-Domingu (27/09/2020).
Tanba ne’e, treinadór ne’e promete, ba oin sira sei prepara di’ak liu tan, nune’e jogu tuir mai bele hatudu rejultadu ho di’ak.
“Hakarak ka lakoi, tenki manan iha jogu tuir mai hodi hakat ba faze oitavu finais”. Nia promete.
Enkuantu treinadór FIEL ne’e, afirma nia parte iha esperansa boot hakarak manan AS Marka Fc, tanba jogu ikus ona hodi termina sira nia distinu.
Fiel oras ne’e daudaun iha hela pontu tolu, no hela jogu ida. (Vidal).
