Dili – Ekipa husi Assalam FC, ne’ebé hala’o ona nia jogu ba datoluk iha grupu A, hodi halokon nia ekipa adversáriu Santa Cruz (SC), hodi rekolla tan pontu tolu.
Tuir treinadór Assalam FC, Gaspar Quintão hateten, iha fallansu ne’ebé nia jogadór sira hetan iha kampu laran ne’e, tanba ekipa adversáriu nia jogadór mós preparadu antes hasoru sira, tan ne’e hodi hamosu fallansu balun iha jogu nia laran.
“Ekipa hotu-hotu preparadu hakarak manan iha jogu, maske sira esforsu atu hatama golu, maibé rejultadu nafatin ba Assalam”. Hateten treinadór ne’e iha fatin konferénsia imprensa stadium munísipal Dili-Sabádu (26/09/2020).
Tanba ne’e, treinadór ne’e deklara, fallansu hirak ne’ebé sira iha, ba oin sira sei esforsu atu hadi’a, nune’e jogu tuir mai bele hatudu rejultadu jogu ho di’ak.
Treinadór ne’e mós argumenta, relasiona ho esperansa atu hakatak ba oitavu finais, sei haree ekipa seluk nia pontus hodi termina ekipa ne’ebé mak atu hakat ba faze oitavu finais.
“Karik ida ne’e ami pasa, jogu tuir mai ami tenki esforsu nafatin, maibé rejultadu mai oin seluk, ida ne’e mak ami nia esforsu”. Tenik nia. (Vidal).
