DILI – Trenador Nagardjo FC Miguel Soares hatete ohin derota 0-1 kontra Ponta Leste hanesan jogu ikus, tanbà ne’e Nagardjo laiha tarzetu ba copa FFTL tinan ne’e, maibè mai atu aprende hodi perpara ba jogu tuir mai.
Nagardjo durante partisipa iha jogu copa FFTL tinan ne’e iha grupu B, Nagarzo nunka hetan vitoria dala ida, no hetan impata dala kontra Atletico Ultramar.
“Ami nia partisipasaun iha copa FFTL tinan ne’e laiha tarjetu ida atu hakat ba oin, maibè atu aprende ho klubu bo’ot sira atu hadia jogu tuir mai iha futuru” relata Miguel ba jornalista iha estadiun munisipal Dili kuarta (23/09).
Nia haktuir ohin jogu kontra Ponta Leste hanesan jogu ikus ne’e hau nia ekipa hatudu jogu diak hodi halo adiversariu mos difisil atu tama ba area defeza Nagardjo nian.
“Hau hakfodak uituan ho ekipa Nagardjo nia performa ohin kontra Ponta Leste, la hanesan ho jogu hirak liu ba, tanbà ami iha oportunidade barak atu hetan golu maibè sorte mak la monu duni ba Nagardjo.”dehan Miguel.
Tuir lolos Ponta Leste la derota, tanbà iha minutu ikus jogador Nagardjo hetan aleja barak hodi rezulta golu iha minutu ikus. (Eug)
