Dili – Ekipa SLB Laulara rekolla tan pontu tolu, hafoin halakon ekipa Emanuel FC iha grupu D ho skor 6-0, ba Copa FFTL tinan ne’e, ho nune’e SLB ho susesu hakat ba Oitavu Finais.
Tuir treinadór SLB Laulara, Efren Jerónimo hateten, nia parte kontente tebes ho nia jogadór sira, tanba joga aplika duni saida mak durante ne’e sira prepara.
“Ami hetan pontu tolu ne’e para hakat ba faze 8 finais, tanba ita hatene 8 finais ne’e ekipa sira joga mesak di’ak”. Hateten treinadór ne’e iha fatin konferensia imprensa stadium Munísipal Dili-Sabadu (19/09/2020).
Tanba ne’e, treinadór ne’e afirma, ba oin sira tenki prepara di’ak liu tan hodi hasoru seluk tuir mai.(Vidal)
