Dili – Jogu entre ekipa Emanuel FC ho ekipa Lika Lika FC obrigadu tenki fahe pontu tolu, iha jogu daruak nian ba copa FFTL tinan ne’e, tamba emapata 1-1.
Tuir Asistente treinadór Emmanuel Januario de Almeida hateten, ekipa Lika Lika hanesan ekipa ne’ebé antes ne’e tuir ona kompetisaun Liga Futebol Amadora (LFA) tinan hirak kotuk, maibé joga kontra Emanuel foin mak promovidu, maibé labele manan iha jogu refere.
“Emanuel simu rejultadu emapata ne’e mós ba ami kontente nafatin, tanba jogadór sira foin tuir kompetisaun sira hanesan”. Hateten asistente treinadór ne’e iha fatin konferensia imprensa stadium Munísipal Dili-Domingu (13/09/2020).
Asistente treinadór ne’e mós rekoñese, nia jogadór sira sei menus iha mentalidade, tanba foin promovidu, tan ne’e sira hodi hetan falansu balun iha kampu laran.
“Emanuel nia jogadór jenior la iha, jogadór sira ne’e maioria junior ke mai husi sentru juvinil FFTL ninian”. Nia afirma.
Tanba ne’e nia realsa liu tan, ba oin kontinua hadi’a, nune’e bele avansa liu tan. (Vidal).
