DILI – Klube futeból ne’ebé promovidu hosi terseira divizaun iha 2019 mai segunda divizaun hato’o sira ninia parabéns ba Prezidente Repúblika Francisco Guterres Lu olo.
“Lori Estrutura Executivo, Sócios, Fundadores no Jogadores Assosiasaun Futebol AS MARCA nian Hotu hakarak Hatoo Ami nia Ksolok Loron Moris nian Ba SE Presidente Da República Dr Francisco Guterres Lu Olo ne’ebe halo Tinan ba dala Neen nulu resin Neen (66),” sita AS Marca iha sira ninia portal ofisial klube nian.
“Nai Maromak haraik Grasa Nafatin ba Ita boot atu Servi Nafatin Povo Doben Timor Leste,” sita klube ne’e iha sira nia portal.
AS Marca Simu Esperiénsia Dahuluk ho Derrota iha Kompetisaun nivel Altu , Treinadór As Marca, Romão Guterres hatete hanesan bainaka foun iha copa Federasaun Futebol Timor Leste FFTL sira prontu simu rezultadu 0-7 hosi Ponta Leste.
Ida ne’e hanesan jogu dahuluk ba As Marca mai compete kontra kedas ekipa Ponta Leste ne’ebè mak ho nivel altu a’as iha jogu Liga Futebol Timor Leste.
“Ami hanesan ekipa foun hodi sai bainaka ba copa FFTL pronto simu lakon,tanbà hanesan esperiénsia ida ba As Marca hodi compete ekipa sira ho nivel altu” deklara Romão Guterres ba jornalista iha estádiu munisipál Dili Domingu (30.8)
Nia relata ho score 7-0 hanesan lisaun boot ida ba ninia ekipa atu estuda fali eru sira ne’ebe hatudu ona jogu kontra Ponta Leste. (ato)
