DILI – Jogadór médiu Atlétiku Ultramar Rafael sai hanesan rekolla títlu individual eleitu hanesan Man of the match iha jogu daruak kontra Nagardjo FC iha Estádiu munisipál Dili, Sábadu (05/05) ekipa rua fahe pontu tanba empata 2-2.
Mane ho jerasaun munisipiu Manatutu ne’ebé mak hala’o nia kareira futeból dezde nia sei eskola primaria iha Ai-teas Manatutu.
“Ha’u sente privilejiu ida bele hetan record Man of the metch hanesan motivisaun ida ba ha’u atu hatudu nafatin ha’u nia jogu ba futuru,” deklara Rafael de Carvalho ba jornalista desportu.xyz hafoin jogu remata.
Nia haktuir, nia Joga ba ultramar iha tinan barak ona no seidauk muda ba klube seluk, altura tama Ultramar bainhira nia sei eskola iha banku eskola terseiru siklu Vasco de Gama Manatutu.
No hamutuk ho ekipa Ultramar desde husi époka premeru to époka kuatru Liga Futeból Amadora, nia la dun hetan fatin atu hodi hala’o jogu, tanbà tur de’it iha banku suplente.
“Títulu ne’ebé mak ohin oferese husi Páteo hanesa premeira ves ida ba hau, tanbà la espera bele sai man of the match iha copa FFTL tinan ne’e,” espresa Eis alumni eskola sekundária Santo Antonio Manatutu ne’e.(Eugenio)
