DILI – Delegadu sentru kosta súl, Munisípiu Manufahi, Kablaki FC ho susesu manan ninia adversáriu Lika Lika Lemorai iha kualifikasaun preliminár iha Grupu D iha Kopa FFTL 2020.
Árbitru Angelo X do Santos hu apitu kick off ekipa loke jogu, hosi minutu inisiu ekipa rua hatudu jogu kuaze hanesan no ladún hamosu Shoot on target.
Ekipa rua ladún atrai adeptu ne’ebé ba asiste iha estádiu munisipál Dili, maibé derrepente iha minutu 16 Kevin Fernandes maka halo bola surpreza aproveita bola crossing no hamosu golu dahuluk nune’e Kablaki FC maka lidera jogu 1-0 durante minutu 20.
To’o fali iha minutu 36, Adeptu Kablaki tutur liman basa sira nia ekipa simu golu hosi adversáriu Lika-Lika iha minutu 36 hosi jogadór Miguel Barreto (kamizola 10) liu hosi bola Free kick dook hosi grande area.
Golu ne’e fanun lika lika hodi halo moris jogu atake, nune’e ho susesu hasees an hosi presaun hodi lansa tan kontra atake iha minutu 43, ho susesu jogadór Joel Fernandes (kamizola 12) hamosu golu daruak hodi lori Lica lica lider jogu primeira parte termina ho rezultadu 2-1.
Tama fali segunda parte, ekipa Kablaki halo esforsu, rezultadu mosu iha minutu 79, Jogadór Silvestre Gama ne’ebé la xave metin hosi liña kotuk lika-lika nian, ho guarda rede ne’ebé ladún antesipa prezensa adversáriu husik ho livre jogadór ne’e hamosu golu daruak hodi lori hamoris fali espíritu Kablaki FC nian tanba bele empate 2-2.
Jogu la’o too minutu 85, jogadór ida hosi lika lika, kamizola Joel Fernandes simu kartaun mean no sai hosi kampu kauza Kablaki fanun atake nakonu hasoru Lika-Lika. Iha minutu 88 Jogaor Job Dorego xave metin vitória ba Kablaki FC hodi hamosu golu ikus iha jogu ne’e to jogu termina no vitória pertense ba Kablaki. (Augusto)
