(DTL 24/8/2020) – Treinadór Santa Cruz FC, João da Silva hatete ekipa hotu iha optimista atu manan jogu tanba ne’e Santa Cruz preparadu ona atu hetan vitória konta DIT FC iha jogu grupu A Kopa FFTL.
Tuir trenador Santa Cruz ba jornalista desportu katak preparasaun Santa Cruz nian másimu ona hodi kontra DIT FC iha jogu grupu A ne’ebé mak sei hala’o iha tersa feira aban.
“Ami Santa Cruz mehi hanesan ho ekipa seluk ne’ebé mak hakarak compete hakarak hetan vitória tanba ne’e Santa Cruz sei gaña vitória kontra DIT FC iha jogu Aban” prometa João da Silva ba jornalista Desportu.XYZ iha kampu demokrasia segunda (24/08)
Nia haktuir DIT fc hanesan ekipa ne’ebè mak perparadu liu tanbà sira trenu lorloron antes tama ba Kopa FFTL.
Maibé ida ne’e la’ós kestaun ida ba Santa Cruz atu rende tanbà jogu ekipa rua iha kampu laran 90 menutus mak determina rezultadu sei mak hetan pontos tolu. afirma João
Santa Cruz sei uza formatu babain 4-3-3 iha jogu aban kontra DIT FC tanbà sira adversario ida forte tebes ho jogador senior balun.
Trenador João hatutan Santa Crus aban sei mai ho jogador hamutuk 21, “Maibe ha’u nia jogador na’in rua hanesan Jeca ho Raimundu labele halao jogu kontra DIT fc tanbà jogador nain rua hetan aleija.”
Fo hanoin ba adeptos husi ekipa rua nian keta haluha asistu jogu DIT fc konta Santa Cruz iha estadion munisipal Dili tersa feira loraik Ors 4:00. (Eugenio)
