(DTL Segunda (25/08/2020) – Eis treinadór husi nasionalidade indonésia ne’ebé daudaun ne’e haforsa hela DIT FC, optimista sei manan Santa Cruz FC iha grupu A, iha jogu primeira jornada ba copa FFTL tinan 2020.
Tuir treinadór Mial Balebata Armand hateten, bainhira hasoru ekipa Santa Cruz pontu importante liu mak sira hakarak manan, tanba ne’e kompetisaun ba copa tinan ne’e.
“Ami hakarak manan sira hodi hakat ba 8 finais”. Hateten treinadór ne’e ba jornalista Desportu.XYZ bainhira remata treinamentu ba jogadores sira iha kampu DIT,
Tan ne’e, eis treinadór husi Indonesia ne’e deklara, sira la hakfodak ekipa ne’ebé de’it iha sira nia grupu A, ba kompetisaun copa FFTL tinan ne’e.
“Ami la tauk atu hasoru ekipa Santa Cruz aban no ekipa sira seluk mós hau nia ekipa nunka ta’uk”. Nia afrima.
Nune’e mós nia hateten tan, banhira nia jogadór sira manan iha jogu primeira jornada ne’e, nia parte hakarak nia ekipa tenki tama to’o iha finais.
Enkuantu, nia afirma tan, bainhira sira manan iha jogu primeira jornada ne’e, hanesan motivasaun ida ba jogadór sira hodi aumenta sira nia mentalidade sai forte liu tan, bainhira hakat ba jogu jornada daruak nian, hodi hasoru Assalam FC no ekipa sira seluk iha jogu tuir mai. (Vidal).
Lee mos: João: Santa Cruz Optimista Sei Hetan Vitoria Kontra DIT FC
