(DTL 21/8/2020) – Treinadór Atletic Ultramar Francisco Martins rekoñese derrota 1-4 kontra As Ponta Leste tanba laiha preparasaun diak tanba Ultramar loron rua de’it hodi mai compete iha jogu faze grupu B Kopa FFTL.
Hafoin remata jogu entre ekipa rua ne’e trenadór Ultramar ba jornalista iha konferénsia imprensa katak jogu Ponta Leste kontra Ultramar em jerál di’ak hotu tanba ekipa ida-idak mai tátika.
“Ami rekoñese duni derrota ohin kontra Ponta Leste tanba ha’u lidera Atletic Ultramar ba perparasaun loron rua de’it hodi mai compete iha copa FFTL ”deklara Francisco Martins ba jornalista iha estádiu munisipál Dili sesta (21/8/2020).
Nia akresenta, sofre golu 4 ne’e ita bele dehan mai hosi penalti no golu rua seluk hosi auto golu tanbà ne’e Ultramar mos la’ós sofre golu liu hosi jogadór individual.
Ho perparasaun loron rua ne’e halo jogadór sira falta komunikasaun ba malu iha kampu laran no jogadór balun mos la koñese malu.
“Ha’u apresia ho jogadór sira nia performe iha segunda parte tanbà hatudu duni matéria treinamentu nian ne’ebé mak ha’u fo ba jogador sira iha loron rua nia laran,” haktuir treinadór joven ne’e.
Maski hasoru dezafiu barak iha ekipa nia laran maibé jogadór sira hatudu duni sira nia jogu hanesan ema jogador hodi kontra Ponta Leste ne’ebé mak forte tebes maioria jogador selesaun nasionál Timor-Leste.
“Iha jogu tuir ha’u sei hadi’a faillansu jogu husi defeza to mai liña avansadu no liuliu mak jogadór sira nia fíziku hodi hasoru ekipa tolu iha faze grupu B.
Fó hanoin katak Atletic Ultramar sei iha jogu tolu iha grupu B mak hanesan Nagarjo, Fitun Estudante no As Marca. (Eugenio)
