Dili-Estudante hosi Eskola sekundária jerál Cristal Pablo Anjelitu de Jesus sei haforsa ekipa Karketu FC de Timor iha lopa Federasaun Futebol Timor Leste (FFTL) tinan ne’e.
Mane ho idade 15, orijen husi munisípiu Lautein hala’o nia estudu iha eskola primaria no pre sukundária iha Lautein no deside mai hela Delta 1 hodi kontinua fali iha eskola sekundária Cristal Balide Dili.
Tuir jogadór ho pozisaun guarda rede Karketu ba jornalista desportu nian katak antes ne’e nia treinu iha ekipa selesaun nasionál Timor Leste hahú hosi sub 16 to mai iha sub 19.
“Ha’u hetan fiar hodi kontratu iha ekipa Karketu ba jogu kopa FFTL iha iha tinan ida ne’e no la kontinua ba Liga Futebol Amadora,”afirma Pablo Anjelitu ba jornalista desportu iha kampu demokrasia, tersa (11/8/2020).
Jerasaun Lautem ne’e sente orgullu ba nia bele hamutuk ho ekipa forte ida ne’ebé mak uluk sai kampiaun iha Liga Futeból Amadora perodu liu ba.
Ida ne’e hanesan esperiénsia ida ba nia atu koko mental hanesan guarda rede hodi ba compete iha ekipa sira seluk.
Estudante Cristal ne’e relata Perparasaun hamutuk ho ekipa Karketu semana rua ona, no preparasaun ida ne’e maximu ona sira compete iha kopa FFTL.
“Ami labele otimista atu sai kampiaun ba kopa FFTL, tanbà ekipa kompete iha kopa refere mesak forte de’it” hakotu Pablo. (Eugenio)
