DILI – Eis jogadór Malaga-FC Cornelio Nahak Portela fila haforsa fali nia eis klubu Ad SLB iha kopa Federasaun Futeból Timor-Leste (FFTL) hofoin jogadór refere remata kontratu iha klubu Malaga.
Hafoin jogador ne’e remata trenamentu iha kampu demokrasia Dili ba jornalista Desportu katak nia sei haforsa Ad SLB iha copa FFTL no Liga Futebol Amadora (LFA) tinan ne’e.
Futebolista ho idade 20 antes ne’e halao nia kareira iha klubu Malaga Espania durante tinan 8,no ikus liu mak kontratu remata iha 2019.
“Ha’u deside fila fali ba haforsa eis klubu Ad SLB hakarak kompete iha kopa FFTL” afirma jogadór Cornelio Nahak Portela ba Jornalista sira iha kampu demokrasia (06/8)
Jogador Cornelio hatete durante hahu hau nia kareira komesa hosi ekipa junior hodi haforsa Selesaun Nasional Timor Leste ba joga iha kualifikasaun AFF.
Ekipa SLB laos foun ida mai hau,tanbà SLB hanesan ekipa ida ne’ebè mak halo hau sai susesu iha futebol.
Tuir nia esperensia iha nasaun seluk tenki mai fahe ba jogadór iha Timor, labele foti an hodi subar ba maluk jogadór sira.
“Perparasaun Ad SLB nia maximu ona no ami pronto joga hasoru kualquer ekipa ne’ebè deit mak compete iha kopa FFTL tinan ne’e,” deklara jogadór ho naran istimadu Aquilis.
Nia observasaun ba desportu ohin loron iha mudansa,tanbà ita konsege lori ita nia liga Amadora sai ba joga iha konfederasaun Futeból Ásia (AFC).
Fó hanoin katak futebolista Cornelio Nahak Cortelu ne’ebè mak durante hamutuk ho ekipa Malaga sai hanesan Top Skor no oferese títulu ba balun. (Eugenio).
