[DTL/04/08/2020]–Asosiasaun futeból salaun Timor-Leste (AFTL) daudaun ne’e hahu loke ona rejistrasaun ba klubu sira atu tuir kompetisaun bakualifiksaun divizaun ba Jogo PraLiga sei akontese iha tempu badak.
Tuir sekretariu Jeral AFTL, Fernando Baptista Xavier hateten, antes ne’e sira halo ona kongresu hodi anunsiu ba públiku relasiona ho jogo PraLiga ne’ebe sei akontese iha tempu badak.
“Agora daudaun ami halo hela rejistrasaun, no presiza klubu 20 atu kompete iha PraLiga ne’e rasik”. Hateten Fernando iha Xanana Sport Center, Tersa (04/08).
Tanba ne’e, nia relata tan, oras ne’e hahu halo hela rejistrasaun ba klubu sirahamutuk 20 ne’ebe sei tuir kompetisaun ne’e, tan ne’esei hare mos iha tabela klasifikasaun 1 to’o 12, sei tama iha primeiru divizaun, enkuantu iha 8 sei tama iha segundu divizaun.
Enkuantu sekretariu Jeral AFFTL ne’e mensiona tan, daudaun ne’e iha klubu hat ona mak foto ona formulariu atu halo rejistrasaun.
“Kriteriu atu mai rejistu ne’e, klubu sira tenki rejistu iha notariadu, no orsamentu uitoan, no mos iha jaminan ba rejistrasaun mos iha, tanba antisipa hela, bainhira iha Jogo nia larangan makhetan kartaun kinur ka mean ruma presiza hare”. Tenik nia.
Nia afirma liu tan, klubu sira mos tenki iha nota bankaria, nune’e ba futuru federasaun nia hakarak, sei fo subsidiu ba klubu sira hodi halo Jestaun ba sira nia klubu rasik.
Relasiona ho jogadore ne’ebe klubu iha hodi prense rekezitus AFFTL nian tenki iha jogadores hamutuk 16, inklui jogadores liga LFA sei permite nain rua, no jogarese estranjeiru mos sei limite. (Vidal Amaral).
