DILI-Mosu tan organizasaun desportu iha Rai laran harii hosi Timoroan sira ne’ebé foka liu ba desportu futeból salaun (Futsal). Ne’ebé hala’o kongresu ba dahuluk iha salaun FFTL nian, sábadu, (11/07).
Iha kongresu ne’e partisipa mós hosi Francisco Jerónimo Prezidente Federasaun Futeból Timor-Leste (FFTL) hodi halo abertura no mós fó korajen atu asosiasaun foun ne’e hetan lalais lejitimidade.
“Ho prezensa ha’u nian iha ne’e fó lezitimadade ba asosiasaun Futsal” deklara Prezidente FFTL ne’e ba jornalista sira hafoin loke hela kongresu ne’e.
Nia rekoñese FFTL nia parte ida maka futsal Tanba ne’e nia rekomenda asosiasaun futsal bele kompleta estatutu no estrutura bele legaliza ona iha notariadu Ministériu Justisa. Nia husu, Importante asosiasaun Futsal iha vontade, nia sei lori pedidu adezaun futsal sai membru FFTL nian iha Kongresu tuir mai.
Iha fatin hanesan, Prezidente AFTL, Henrique da Costa hatete ho kongresu ne’ebé sira hala’o buka tau hetan lejitimidade Hato’o fila fali ba federasaun para ele hetan podér hodi bele halo kompetisaun iha futuru
“Ita mai ho ita nia mehi ida katak, Unidade asaun i progresu. Ita hamutuk halo atividade bele lori progresu ba iha futeból salaun nian iha Timor-Leste,” deklara Prezidente AFTL ne’e.
Nia hatutan, Futsal la’ós de’it iha Dili sei loke liras ba iha munisípiu sira, tanba Durante nee atividade futsal halo maibé la organizadu no laiha legalidade ruma, remata kongresu fó dalan atu organiza ba too munisípiu sira. (ato)
